LastUpDate: October 1, 2023

5 औं श्रेणीमा सारिएपछि गरिने तालमेल सम्बन्धी

रेइवा 5 साल मे महिना 8 तारिख (सोमवार) देखि नोवेल कोरोना भाइरस संक्रमणको स्थिति, संक्रमण ऐन अन्तर्गत मौसमी इन्फ्लुएन्जा जस्तै श्रेणी 5 को संक्रामक रोगमा परिवर्तन हुनेछ र तालमेलमा परिवर्तन हुनेछ ।


(रेइवा 5 साल मे 8 तारिख पछि) 5 औं श्रेणीमा सारिँदा परिवर्तन आउने तालमेल आदि

ज्वरो आदि जस्ता लक्षण देखिँदाको उपाय

1 उपचार गर्ने चिकित्सा संस्थाहरू

・हालसम्म नयाँ कोरोनाको उपचार गर्दै आएका चिकित्सा संस्थाहरुको अतिरिक्त, वृहत् स्तरका चिकित्सा संस्थाहरूमा उपचार लिन सकियोस् भनि क्रमैसंग सार्ने योजना रहेको छ ।
・ यदि तपाईलाई ज्वरो जस्ता लक्षणहरू छन् र जँचाउने हो भने, सर्वप्रथम आफूले जँचाइरहेको चिकित्सकसँग परामर्श लिनुहोस् ।
・कुन चिकित्सा संस्थामा परामर्श लिने भनि दोधारमा परेको खण्डमा 'फुकुओका ज्वरो बहिराङ्ग विभाग सर्च साइट' वा 'फुकुओका नगर नोभल कोरोना भाइरस सङ्क्रमण परामर्श डायल'को सदुपयोग गर्नुहोस् ।

'फुकुओका ज्वरो बहिराङ्ग विभाग सर्च साइट'को लागि यहाँ क्लिक गर्नुहोस् (जापानी भाषा मात्र)

फुकुओका नगर नोभल कोरोना भाइरस संक्रमण सम्बन्धी परामर्श डायल
 050-3665-7980 वा 050-3629-0353 (24 सै घण्टा खुला, जापानी भाषा मात्र)
 092-687-6606(24 सै घण्टा खुला, विदेशी भाषा मात्र) * 20 भाषामा तालमेल

थप जानकारीको लागि, कृपया "चिकित्सा संस्थामा जँचाउने वा परीक्षण गराउनेहरूका लागि (नोभल कोरोना भाइरस सङ्क्रमणसँग सम्बन्धित)" (जापानी भाषा मात्र)


2 परीक्षण / उपचार / अस्पतालमा भर्ना खर्च

हालसम्म, बीमा चिकित्सा उपचारको स्व-भुक्तानी भाग सार्वजनिक कोषबाट भुक्तान गरिएको थियो, तर केही अपवादहरू बाहेक, अन्य रोगहरू गरिने जस्तै स्व-भुक्तानी गर्नुपर्ने हुनेछ ।

・परीक्षण
 ⇒सार्वजनिक कोषबाट हुँदै आएको भुक्तान रोकिने र स्व-भुक्तानी गर्नुपर्ने हुनेछ ।
・बहिराङ्ग विभागमा जँचाउने
 ⇒सार्वजनिक कोषबाट हुँदै आएको भुक्तान रोकिने र स्व-भुक्तानी गर्नुपर्ने हुनेछ ।
 *यद्यपि, नयाँ कोरोनाको उपचार औषधि (7 प्रकारका) को लागि कुनै स्व-भुक्तानी गर्नु नपर्ने (सेप्टेम्बरको अन्त्यसम्म)

* नयाँ कोरोना उपचार औषधि (7 प्रकारका): विशेषकालीन अनुमोदित अथवा आपद्कालिन अनुमोदित मौखिक औषधि 'लागेब्रिओ', 'पाकिरोभिड', 'जोकोवा', इन्ट्राभेनस औषधि 'वेक्लुरी', न्युट्रलाइजिङ एन्टिबडी औषधि 'जेबुडी', 'लोनाप्रिभ', 'एभर शेल्ड'

・अस्पताल भर्ना तथा उपचार खर्च
 ⇒उच्च रकमको चिकित्सा खर्च (कोगाकु इर्‍योउहि)को लागि भुक्तान गरिने स्व-भुक्तानी रकमको अधिकतम रकमबाट 20,000 येन सार्वजनिक कोषबाट भुक्तान गरिनेछ। खाना खर्च स्व-भुक्तानी गर्नुपर्ने हुनेछ।
 * नयाँ कोरोनाको उपचार औषधि (7 प्रकारका) को लागि कुनै स्व-भुक्तानी गर्नु नपर्ने (सेप्टेम्बरको अन्त्यसम्म)


3 स्वास्थ्य लाभ सम्बन्धी

(1) परीक्षणमा नयाँ कोरोना भाइरस देखा परेका व्यक्तिका लागि

・स्वास्थ्य केन्द्रबाटको सम्पर्क तथा स्वास्थ्य अवलोकन समाप्त हुनेछ ।

・घरैमा स्वास्थ्य लाभ लिइरहेकाहरूका लागिको खाना र अन्य वस्तु आदिको सहयोग समाप्त हुनेछ ।
・आवास सुविधा गृह बन्द हुनेछ ।

・घर बाहिर नजान भनि अनुरोध अब गरिने छैन तर सरकारले तल लेखिएका बुँदा पालन गर्न जोड दिएको छ ।
 ①लक्षण देखा परेको दिन 0 दिन भनि मान्दा 5 दिनसम्म, साथै 5 दिनमा पनि लक्षण रहिरहेको खण्डमा, लक्षण कम भएको 24  घण्टा जति समय नबितुञ्जेल घर बाहिर नजान अनुरोध गरिन्छ ।
(लक्षणहरू देखा परेको पहिलो 3 दिनमा संक्रामक भाइरस उत्सर्जनको औसत मात्रा अत्यधिक हुन्छ, 5 दिन पछि उल्लेखनीय रूपमा घट्ने हुनाले लक्षणहरू देखा परेको पहिलो 5 दिनसम्म अरूमा संक्रमण गराउने खतरा उच्च हुन्छ भन्ने कुरामा ध्यान दिने)
 ②लक्षणहरू देखा परेर 10 दिन बितुञ्जेल सम्म, भाइरस शरीरबाट बाहिर निस्कने सम्भावना रहेको हुनाले, सर्जिकल मास्क लगाउने, वृद्धवृद्धा आदि हाइरिस्कसँगको संसर्गबाट टाढा रहने आदि गरेर वरिपरिकालाई नसरोस् भनि ध्यान दिनुपर्ने ।


*लक्षण देखा नपरेको खण्डमा परीक्षणका लागि नमुना लिएको दिनलाई 0 दिन भनि मानिनेछ ।
*बाहिर ननिस्कन जोड गरिएको अवधिमा कुनै विकल्प नभइ बाहिर निस्कनु परेको खण्डमा पनि, कृपया आफूमा कुनै लक्षण नदेखिएको निश्चित गर्ने र अनिवार्यरूपमा मास्क लगाउने गर्नुहोस् ।
*ज्वरो आएको बेला वा परीक्षणमा भाइरस देखा परेपछि शारीरिक अवस्थामा अचानक परिवर्तन आएको छ भने, फुकुओका नगर नोभल कोरोना भाइरस संक्रामक रोग परामर्श डायलमा सम्पर्क गर्नुहोस् ।


(2) परिवारको कुनै सदस्य वा सहवासी नयाँ कोरोना भाइरसबाट संक्रमित भएको खण्डमा

・सँगै बस्ने परिवारका सदस्यहरूलाई अत्यन्त निकट संसर्गमा परेका व्यक्ति भनेर नतोक्ने । साथै, प्रतीक्षा अवधिको लागि कुनै अनुरोध छैन ।

・सम्भव भएमा कोठा अलग गरेर सकेसम्म थोरै व्यक्तिद्वारा संक्रमित व्यक्तिको हेरचाह गर्नुहोस् ।

・र यसका साथै, बाहिर जानुपरेको खण्डमा, कोरोना संक्रमणको लक्षणहरू देखा परेको दिन 0 को रूपमा मान्ने र विशेष गरी 5 दिनसम्म आफ्नो स्वास्थ्यमा ध्यान दिनुहोस् । यस अवधिमा, हात धुने र भेन्टिलेसन जस्ता आधारभूत संक्रमण नियन्त्रण उपायहरूका अतिरिक्त, कृपया मास्क लगाउने र वृद्धवृद्धा आदि हाइरिस्कसँगको संसर्गबाट टाढा रहने आदि जस्ता कुरामा ध्यान दिनुहुन अनुरोध गरिन्छ ।

स्वास्थ्य लाभ सम्बन्धी प्रश्नोत्तर (जापानी भाषा मात्र)


संक्रमण नियन्त्रणका आधारभूत उपायहरू

・संक्रमण ऐनको स्थितिमा परिवर्तन आएको कारण,रेइवा 5 साल मे महिना 8 तारिख देखि उप्रान्त आधारभूत प्रतिक्रिया नीति र उद्योग-विशेष दिशानिर्देश खारेज गरिनेछ ।

・आधारभूत कुरा यो हो कि, दैनिक जीवनमा गरिने आधारभूत संक्रमण नियन्त्रणको सन्दर्भमा, कसैको स्वतन्त्र छनोटहरूको सम्मान गर्ने र यसलाई व्यक्ति र व्यवसायहरू स्वयम्‌को निर्णयमा छोडिने छ ।

・सबैसँग एक समानका तालमेलको माग गरिने छैन तर, सरकारबाट निर्देश गरिएका व्यक्ति तथा व्यवसायको निर्णयमा भर पर्ने जानकारीको सन्दर्भद्वारा स्वैच्छिक निर्णय गरि कार्यान्वयन गर्नुपर्ने हुनेछ । निर्णयमा भर पर्ने जानकारी सम्बन्धी तल लिखित सरकारी सचिवालयको होमपेजमा निश्चय गर्नुहोस् ।

नोभल कोरोना भाइरस संक्रमणको स्थिति, संक्रमण ऐन अन्तर्गतको स्थिति परिवर्तन पछिको आधारभूत संक्रमण रोकथाम उपायको सिद्धान्त सम्बन्धी (सरकारी सचिवालयको होमपेज)(जापानी भाषा मात्र)
उद्योग विशेषअनुसारका दिशानिर्देशहरू (नोभल कोरोनाभाइरस संक्रमण ऐन अन्तर्गतको स्थिति परिवर्तन सम्बन्धी सुचना) (सरकारी सचिवालयको होमपेज)(जापानी भाषा मात्र)


अन्य परिवर्तनका बुँदाहरू

・संक्रमण प्रवृतिहरूको मूल्याङ्कन:हालसम्म गरिँदै आएको सम्पूर्ण संक्रमित सङ्ख्याको जानकारी सङ्कलनबाट निश्चित सङ्ख्या तर्फ (विशेष चिकित्सा संस्थाहरूले मात्र रिपोर्ट) परिवर्तन गरिनेछ ।
 (सङ्ख्या हरेक दिन घोषणा गरिएको थियो, तर अब हप्तामा एक पटक घोषणा गरिनेछ)
・परीक्षण किट वितरण र कोरोना भाइरस देखापरेको व्यक्ति दर्ता केन्द्र समाप्त हुनेछ ।
・लक्षण नदेखिएकाका लागि प्रिफेक्चरको निःशुल्क परीक्षण परियोजना समाप्त हुनेछ ।
・गृह हेरचाह प्रमाणपत्र जारी गर्ने कार्य समाप्त हुनेछ ।