फुकुओका शहरमा नयाँ कोरोना भाइरसको खोप लगाउने बन्दोबस्तको बारेमा (२०२१ साल जुलाई १ तारिख सम्मको)

　फुकुओका नगरपालिकामा कोरोना भाइरस विरुद्धको खोप लगाउने बारेमा, इच्छुक सबै जनाले धुक्क भएर खोप लगाउन सकोस् भन्ने उदेश्यले पहल गरिरहेका छौं।

　हामीले इन्टरनेट बुकिङ्गको निर्देशन पुस्तिका आदि इन्टरनेटमा गरिने विविन्न प्रकारका प्रक्रियाका निर्देशन पुस्तिका बनायौं l
　इन्टरनेटबाट बुकिङ्ग गर्न सक्ने व्यक्तिले, इन्टरनेट बुकिङ्ग सिष्टम प्रयोग गर्नुहोस्।
　https://vaccines.sciseed.jp/fukuokacity/login

　विभिन्न प्रकारका प्रक्रियाको बहुभाषी निर्देशन पुस्तिका
　*विवरण समय समयमा नवीकरण गरिन्छ l

नोभल कोरोनाभाइरस (कोभिड 19) को भ्याक्सिन (खोप) लगाउने टिकट आइनपुगेका विदेशी नागरिकहरूको लागि （170kbyte）

* 64 वर्षका वा सोभन्दा कम उमेरका व्यक्तिहरुलाई जून 30 तारिख (बुधबार)मा खोप कुपन पठाइएको छ l
* खोप कुपन पाउनेहरुकहाँ कुपन नआइपुग्न्जेल पठाइएको दिनदेखि 10 दिनजति लाग्न सक्छ l
　जुलाइ 10 तारिखपछि पनि आएन भने खोप कल सेन्टरमा सोध्नुहोस् l
* नयाँ कुरा निर्णय हुना साथ अद्यावधिक गरिने छ।

<पृष्ठमा भएको मेन्यू>
・खोप लगाउने प्रक्रिया
・खोप लिने क्रम
・खोप कुपन ( पठाइने・पुन:जारी गरिने आदि )
・खोपको लागि बुकिङ्ग
・परामर्श काउन्टर
・खोपको प्रकार
・सरकारी निकाय आदि बाट जारी सूचना तथा जानकारी
・शटल बसको  संचालन

कोरोना भाइरस विरुद्धको खोप लगाउने बारेको सूचना （958kbyte）

खोप लगाउने प्रक्रिया

　१. नगरपालिकाले पठाएको सूचना (खोप कुपन सहित) प्राप्त गर्ने
　२.पहिल्यै गरिने बुकिङ्ग(बुकिङ्ग साइटबाट गरिने बुकिङ्ग)  ※ बुकिङ्गको साइटको प्रयोग गर्न गाह्रो भएको खण्डमा कल सेन्टरमा फोनमार्फत बुकिङ्ग गर्नुहोस् l
　३. खोप केन्द्रमा गएर, खोप लगाउने (दुई पटक)

　फुकुओका शहरले नयाँ कोरोना भाइरस खोप लगाउनको लागि आवश्यक हुने टिकट र प्रारम्भिक जाँच पत्र पठाउनेछ।
　त्यो प्राप्त गरेपछि त्यसलाई सुरक्षित राख्नुहोस् र आफ्नो खोप लगाउने समयसम्म पर्खनुहोस्।
　खोप लगाउन मिल्ने समय आयो भने अग्रिम बुकिङ गरेपछि खोप लगाउने स्थानमा गएर नयाँ कोरोना भाइरस खोप लगाउनुहोस्।

खोप लगाउन लक्ष्य व्यक्ति

　फुकुओका शहरामा निवासी दर्ता भएको 12 बर्ष वा सोभन्दा माथिका व्यक्तिहरू (विदेशी नागरिकहरू समेत)
　* फुकुओका शहरमा निवासी दर्ता नभएतापनि फुकुओका शहरको अस्पताल वा अन्य सुविधा केन्द्रमा लामो समयदेखि भर्ना भइरहेकाहरू र अन्तर्निहित रोग भएका व्यक्तिहरूले फुकुओका शहर भित्र हुनुहुने इन्चार्ज डाक्टरबाट खोप लिने हो भने, फुकुओका शहरमा नयाँ कोरोना भइरस खोप लिन सक्नुहुन्छ।

खोपको लगाउनको लागि खर्च

　निःशुल्क

खोप केन्द्र

　स्थानीय खोप लगाउन मिल्ने क्लिनिकको साथै, सामूहिक खोप केन्द्र पनि स्थापन गरिने छ।

स्थानीय क्लिनिक

　नगरपालिका भित्र ८०५ स्थानको क्लिनिकबाट खोप लिन सकिन्छ।  (जून २८ तारिख सम्मको जानकारी)
(नगरपालिका भित्रको सम्पूर्ण लिष्ट / हिगासी-कु / हाकाता-कु / च्यूओउ-कु / मिनामी-कु / ज्योउनान-कु / सावारा-कु / निसी-कु)
　* फुकुओका नगरपालिका कोरोना भाइरस विरुद्धको खोप कल सेन्टरबाट पनि, घर नजिकको क्लिनिक आदिको बारेमा जानकारी दिइने छ।
　* नियमित रूपमा क्लिनिकमा आउने बिरामीलाई मात्र खोप दिने जस्ता कारणबाट, लिष्टमा उल्लेख नभएको क्लिनिक पनि छ।
　　अनि, लिष्टमा भएको क्लिनिकमा पनि, आफ्नो क्लिनिकमा नियमित रुपमा आउने बिरामीलाई मात्र खोप लगाउने पनि हुन सक्छ।

सामूहिक खोप केन्द्र

　च्यूओउ हुतोउ क्रुज सेन्टर (हाकाता-कु,नाकाहामा च्योउ 24 -25)※ जुलाई 5 तारिख
　 (सोमबार ) देखि
　खोल्ने समय बिहान 11:00 ～ राती 10:00
　शटल बसको संचालनबारे
　*65 वर्षका वा सोभन्दा कम उमेरका व्यक्तिहरुको बुकिङ्ग चाहिं जुलाई 1 तारिखबाट
　आवेदन स्वीकार्नेछौं l
　64 वर्षका वा सोभन्दा कम उमेरका व्यक्तिहरुका बुकिङ्ग चाहिं बुकिङ्ग सुरु गरेको मितिमा
　लेखिएको मितिबाट स्वीकार्नेछौं।
　*च्यूओउ हुतोउ क्रूज़ सेन्टरमा ताकेदा/मोदेर्नाको खोप प्रयोग गरिन्छ l
　18 वर्ष वा सोभन्दा बढी उमेरका व्यक्तिहरुले मात्र खोप लगाउन सकिन्छ l

प्रत्येक वडाको सामूहिक खोप केन्द्र

वडा (कु)	स्थापना स्थान	ठेगाना	सुरु मिति	खुल्ने समय
हिगासी-कु	नामिकी स्क्वायर	हिगासी-कु चिहाया ४ च्योउमे २१-४५	जून २८ तारिख (सोमवार)	11:00 ~ 17:00 बजे सम्म
हाकाता-कु	साजान-पिआ हाकाता	हाकाता-कु मिनामी होन-माची २ च्योउमे ३-१	जून २५ तारिख (शुक्रवार)	11:00 ~ 17:00 बजे सम्म
च्यूओउ-कु	च्यूओउ ताइकुखान	च्यूओउ-कु आखासाका २ च्योउमे ५-५	जुलाई १ तारिख (बिहीवार)	11:00 ~ 22:00 बजे सम्म
मिनामी-कु	मिनामी ताइकुखान	मिनामी-कु सिओबारु २ च्योउमे ८-१	जून २८ तारिख (सोमवार)	11:00 ~ 17:00 बजे सम्म
ज्योउनान-कु	ज्योउनान ताइकुखान	ज्योउनान-कु बेफु ६ च्योउमे १४-२२	जून २५ तारिख (शुक्रवार)	11:00 ~ 17:00 बजे सम्म
सावारा-कु	मोमोची ताइकुखान	सावारा-कु मोमोची २ च्योउमे ३-१५	जुलाई १ तारिख (बिहीवार)	11:00 ~ 17:00 बजे सम्म
निसी-कु	साइतो-पिआ	निसी-कु साइतो २ स्योउमे १-१	जून २२ तारिख (मंगलवार)	11:00 ~ 17:00 बजे सम्म

　* पार्किंग सिमित भएकोले आउने बेलामा सार्वजनिक यातायातको प्रयोग गर्नुहोस् l
　* सामूहिक खोप केन्द्र शनिवार, आइतवार, सार्वजनिक बिदाको दिन पनि खुल्ला हुने छ।
　* तपाई बसोबास गर्ने वडा बाहेक अन्य खोप केन्द्रमा पनि खोप लिन सकिन्छ।

मध्यरातमा खोप लगाउने स्थान

फुकुओका सिमीन् ब्योउइन् (हाकाता-कु,योसिजुका होन्माचि 13-1) ※जुलाइ 20 तारिख  (मंगलबार)राती 10 बजेदेखि
खोल्ने समय राती 10:00 ～ भोलिपल्ट बिहान 8:00 ( 7:00 सम्म रिसेप्शनमा आएकाहरुलाई स्वीकार गरिन्छ  )
* 65 वर्षका वा सोभन्दा कम उमेरका व्यक्तिहरुको बुकिङ्ग चाहिं जुलाई 1 तारिखबाट आवेदन स्वीकार्नेछौं l
　64 वर्षका वा सोभन्दा कम उमेरका व्यक्तिहरुका बुकिङ्ग चाहिं बुकिङ्ग सुरु हुने  मितिको ठाउँमा लेखिएको मितिबाट आवेदन स्वीकार्नेछौं ।
* फुकुओका सिमिन् ब्योउइनमा फोन गरेर बुकिङ्ग गर्न सकिन्दैन वा अस्पतालमा आएर बुकिङ्ग गर्न सकिन्दैन l
　इन्टरनेटको बुकिङ्ग साइटबाट बुकिङ्गको प्रक्रिया गरेपछि अस्पतालमा आउनुहोस् l ( बुकिङ्ग साइटको प्रयोग गाह्रो भएको खण्डमा फुकुओका  शहरको नयाँ कोरोना खोप कल सेन्टरमाबुकिङ्ग गर्नुहोस् l )
* रक्सी पिएकाहरु(रक्सी शरीरमा रहिरहेकाहरु)लाई खोप लगाउन सकिन्दैन I त्यसैले पहिल्यै यो कुरा बुझ्नुहोस् l
* खोप लगाउनेहरुले चाहिं नि:शुल्क पार्किंगको प्रयोग गर्न सकिन्छ I

च्यूओउ हुतोउ क्रूज सेन्टर सम्म जाने नि:शुल्क बसको संचालनबारे

　खोप लगाउनेहरु तथा तिनीहरुसँग आएकाहरुका लागि च्यूओउ हुतोउ क्रूज सेन्टरसम्म नि:शुल्क बसको संचालन गरिएको छ I
　*नि:शुल्क बसको संचालन चाहिं तेन्जिन् ⇔ च्यूओउ हुतोउ क्रूज सेन्टरको बीचमा मात्र हुनेछ  l
　हरेक वडामा स्थापना गरिएका सामूहिक खोप केन्द्रसम्म बस संचालन गरिन्दैन l त्यसैले
　सार्वजनिक यातायातको प्रयोग गर्नुहोस् l

　तेन्जिन् ⇔च्यूओउ हुतोउ क्रुज सेन्टर
　संचालन गरिने समय : जुलाई 3 तारिख (शनिबार )
　बस संचालन समय तालिका

　शटल बस प्रस्थान गर्ने स्थान र गन्तव्य स्थान, देहाय बमोजिम हुने छ।
　・तेनजिन : फुकुओका नगरपालिका कार्यालयको मेनगेट अगाडि (तेन्जिन च्यूउओउ पार्क निर)　
　　“चढ्ने ठाउँ” को जानकारी
　・च्यूओउ हुतोउ क्रूज सेन्टर ：क्रूज सेन्टरमा प्रवेश गर्ने ढोकाको अगाडी
　* बस चढ्ने बेलामा, मास्क लगाउन हुन अनुरोध छ।
　* बीच बाटोमा ओर्लन पाउँदैन।

खोप लगाउने क्रम

　जेष्ठ नागरिक (जेष्ठ नागरिक हेरविचार गर्ने संस्थामा कार्यरत कर्मचारी सहित), नगरपालिकाले तोकेको प्राथमिकता क्रममा रहेको व्यक्ति (केयर गिभर कर्मचारी (भ्रमण / संस्थामा जाने खाइगो) होइकु-सी (शिशु स्याहार केन्द्रका शिक्षक) विद्यालयका शिक्षक आदि) अन्तर्निहित रोग भएका व्यक्ति आदिलाई क्रमिक रूपमा प्राथमिकता दिई, सम्पूर्ण लक्षित व्यक्तिलाई खोप लगाउने छ।
　* बुकिङ्ग सुरु हुने मिति र समयमा उल्लेख भए बमोजिम, खोपको बुकिङ्ग प्रक्रिया सुरु हुन्छ।

खोप कुपन

खोप कुपन पठाउने बारेमा

　२०२१ साल अप्रिल २७ तारिख (मंगलवार) का दिन, ६५ वर्ष वा सो भन्दा माथिको व्यक्तिलाई खोप कुपन पठाइ सकेको छ।
　* खोप कुपन, २०२१ साल मार्च १८ तारिख (बुधवार) सम्मको जानकारीको आधारमा, निवास दर्ता प्रमाणपत्रमा उल्लेखित ठेगानामा हुलाकबाट पठाउने कार्य भइरहेको छ।
　　२०२२ साल अप्रिल १ तारिख सम्ममा ६५ वर्ष वा सो भन्दा माथिको उमेर पुग्ने व्यक्ति भई, २०२१ साल मे ११ तारिख भन्दा पहिला नै बसाई-सराई गरेर आएको व्यहोरा दर्ता गराइ सकेका व्यक्तिलाई पनि, पठाइ सकेको छ।

　सन् 2021 जून 30 तारिख (बुधवार) मा 64 वर्षका वा सोभन्दा कम उमेरका व्यक्तिलाई खोप कुपन पठाइएको छ ।
　कुपन नआइपुग्न्जेल 10 दिनजति लाग्न सक्छ I
　* खोप कुपन, २०२१ साल अप्रिल ५ तारिख (सोमवार) सम्मको जानकारीको आधारमा, निवास दर्ता प्रमाणपत्र (ज्यूमिनह्यो) मा उल्लेखित ठेगानामा पठाउने कार्य भइरहेको छ।
　　६४ वर्ष भन्दा वा सो भन्दा कम उमेरका व्यक्ति भई, २०२१ साल जुलाई १० तारिख भन्दा पहिला नै बसाई-सराई गरेर आएको व्यहोरा दर्ता गराइ सकेका व्यक्तिहरूलाई, क्रमिक रूपमा पठाउने योजना छ।

खोप कुपन पुनः जारीको बारेमा

जारीको लागि निवेदन

　हराएको / नष्ट भएको आदि कारणबाट खोप कुपन पुनःजारी, बसाई सरेर आएको कारणबाट कुपन जारी गराउन निवेदन दिने
　निवेदन दिने तरिका : इन्टरनेट, फोन, हुलाकबाट

　・कोरोना भ्याक्सिन (खोप) लगाउने टिकट जारी आवेदन (अन्य ठाउँबाट फुकुओका सहरमा बसाइसराइ गरेको व्यक्तिको लागि)  एप्लिकेशन चलाउने विधिको म्यानुअल （419kbyte）
　・कोरोना भ्याक्सिन (खोप) लगाउने टिकट जारी आवेदन (पुनः जारीको लागि)  एप्लिकेशन चलाउने विधिको म्यानुअल （371kbyte）

　* अहिले अवेदन गर्न सक्ने व्यक्तिहरु चाहिं सन् 2022 अप्रिल 1 तारिख सम्ममा 65 वर्षका वा सोभन्दा बढी उमेरमा पुग्ने व्यक्तिहरु(सन् 1957 अप्रिल 1 तारिख भन्दा अघिका जन्म दिन भएकाहरु ) तथा 12 वर्षका उमेरमा  पुगिसकेका व्यक्तिहरुमध्ये निवासी दर्ता गरिएका ठाउँ बाहेकको ठेगानामा खोप कुपन पठाइन चाहेकाहरु हुन् l
　* नगरपालिका भित्र बसाई सराई गरेको अवस्थामा, पुरानो ठेगाना उल्लेख भएको खोप कुपन त्यति कै प्रयोग गर्न सकिन्छ।
　　खोप लिने बेलामा, बसाई-सराई गर्नु भन्दा पहिलाको ठेगाना पुस्ट्याउने तपाईको परिचय खुल्ने कागजात लिएर आउनुहोस्।
　　अनि, नयाँ ठेगाना उल्लेख भएको खोप कुपन जारी गराउने इच्छा भएको अवस्थामा, माथि उल्लेखित निवेदन तरिका अनुसार पुनःजारीको लागि निवेदन दिनुहोस्।
　* निवास दर्ता प्रमाणपत्र (ज्यूमिनह्यो) मा दर्ता भएको ठेगाना बाहेक अन्य ठेगानामा पठाउने इच्छा भएको व्यक्ति, अनि निवास दर्ता प्रमाणपत्र (ज्यूमिनह्यो) / परिवार पंजिकरण (कोसेकी) मा दर्ता नभएका व्यक्तिले इन्टरनेट / फोनबाट निवेदन दिन मिल्दैन।
　　खोप कुपन पुनः जारी निवेदन फाराम र आफ्नो परिचय खुल्ने कागजातको फोटोकपी साथमा राखि, हुलाकबाट निवेदन दिनुहोस्।
　　वयस्क मानसिक रोगी (सेइनेन हिकोउ केननिन) को खोप कुपनको बारेमा, वयस्क मानसिक रोगीको नाममा कुपन लिन चाहेको अवस्थामा, बसोबास गरिरहेको ठाउँ प्रमाणित गर्ने कागजात साथमा राखेर, सेइनेन हिकोउ केननिन प्रणाली अनुसारको दर्ता प्रमाणपत्र (फोटोकपी) पेश गर्ने वा निर्णयको प्रतिलिपि (सिनपानस्यो तोहोन) (फोटोकपी) पेश गर्नु आवश्यक छ।

ठेगाना भएको स्थान भन्दा फरक ठाउँमा खोप लिने

　फुकुओका नगरपालिका बाहिर ठेगाना दर्ता भएका व्यक्तिले बाध्यताबस, फुकुओका नगरपालिका भित्र खोप लिनको लागि निवेदन दिने।
　 निवेदन दिने तरिकाः इन्टरनेट, हुलाक
　खोप लिन जाने बेलामा, निवेदन प्राप्त भए पश्चात जारी हुने, ठेगाना भएको स्थान भन्दा फरक ठाउँमा खोप लिनको लागि निवेदन पेश गरेको प्रमाणपत्र साथमा लिएर जानु आवश्यक छ।

　・ठेगाना दर्ता ठाउँ बाहेकको स्थानमा कोरोना भ्याक्सिन (खोप) लगाउनको लागि दिने आवेदन　एप्लिकेशन चलाउने विधिको म्यानुअल （391kbyte）

निवेदन प्रक्रिया

१. इन्टरनेटबाट निवेदन प्रक्रिया

　इन्टरनेटमा विभिन्न किसिमको निवेदन प्रक्रिया  पृष्ठ
　https://www.city.fukuoka.lg.jp/hofuku/coronavaccine/health/yoyaku.html
　* निवेदन प्रक्रिया पृष्ठ जापानीज भाषामा मात्र उपलब्ध छ

२. फोनबाट निवेदन प्रक्रिया

　फुकुओका नगरपालिका कोरोना भाइरस  विरुद्धको खोप कल सेन्टर
　फोन नम्बर ०९२-२६०-८४०५
　खुल्ने समय: 8:30 बजे देखि 17:30 बजे सम्म ( शनिवार, आइतवार, सार्वजनिक बिदाको दिन पनि खुल्ला हुने)
　* अंग्रेजी भाषा, चाइनीज भाषा, कोरियन भाषा, भियतनाम भाषा, नेपाली भाषा, स्पानिस भाषा, पोर्टुगल भाषामा पनि कुराकानी गर्न सम्भव छ।
　* कल सेन्टरमा फोन गर्दा् खेरी, गलत फोन नम्बरमा डायल हुने घटना घटिरहेको छ।
　　फोन नम्बर राम्रोसँग हेरेर, गल्ति नहुने गरी फोन गर्नुहोस्।

३. हुलाकबाट निवेदन प्रक्रिया

पेश गर्ने फाराम

・खोप कुपन पुनःजारी निवेदन फाराम तथा पत्र पठाउने ठेगाना परिवर्तन निवेदन फाराम
・खोप कुपन पुनःजारी निवेदन फाराम तथा पत्र पठाउने ठेगाना परिवर्तन निवेदन फाराम (भर्ने तरिका)
・ ठेगाना स्थान भन्दा फरक ठाउँमा खोप लिने निवेदन

पत्राचार ठेगाना

812-0011
फुकुओका-सी, हाकाता-कु हाकाता-एकिमाए १-३-३ मेइजी यासुदा वातानाबे बिल्डिङ्ग
फुकुओका नगरपालिका कोरोना भाइरस विरुद्धको खोप कार्यालय ज्यू
* व्यक्तिगत विवरणको सुरक्षा तथा कोरोना भाइरस संक्रमणबाट सुरक्षित हुनको लागि, काउन्टर स्थापना गरेको छैन।

खोप लगाउने दिन बुकिङ्ग गर्ने बारेमा

खोप लिनको लागि, अग्रिम रूपमा बुकिङ्ग गर्नु आवश्यक छ।
बुकिङ्ग गर्नको लागि, खोप कुपन अनिवार्य छ।  बुकिङ्ग खुल्ला हुने मिति सम्म सुरक्षितका साथ राख्नुहोस्।

खोप लगाउने कार्य सुरु हुने मिति

・स्थानीय क्लिनिकमा संचालन हुने व्यक्तिगत खोप, २०२१ साल मे २४ तारिख (सोमवार) बाट सुरु हुन्छ।
・प्रत्येक वडामा स्थापना गरिने सामूहिक खोप केन्द्रमा खोप लगाउने कार्य, जून २२ तारिखबाट क्रमिक रूपमा सुरु गरिने छ।
・च्यूओउ हतोउ क्रूज सेन्टरमा सामूहिक रुपमा लगाइने खोप चाहिं सन् 2021 जुलाइ 5 तारिख (सोमबार ) बाट सुरु भएको छ I
・फुकुओका सिमिन् ब्योउइनमा मध्यरातमा लगाइने खोप चाहिं सन् 2021 जुलाइ 20 तारिख (मंगलबार ) बाट सुरु हुनेछ I

बुकिङ्ग खुल्ला हुने मिति र समय

उमेर समूह	बुकिङ्ग खुल्ला हुने मिति र समय
६५ वा सो भन्दा माथिको व्यक्ति	बुकिङ्ग लिने कार्य भइरहेको छ।
अन्तर्निहित रोग (किसो सिख्खान) भएका व्यक्ति	अग्रिम दर्ता प्रक्रिया पश्चात, खोप कुपन प्राप्त हुने बितिक्कै
६० देखि ६४ वर्ष सम्मका व्यक्ति	खोप कुपन प्राप्त हुने बितिक्कै
५० देखि ५९ वर्ष सम्मका व्यक्ति	जुलाई १२ तारिख (सोमवार) बिहान 8:30 बाट
४० देखि ४९ वर्ष सम्मका व्यक्ति	जुलाई १५ तारिख (बिहीवार) बिहान 8:30 बाट
३० देखि ३९ वर्ष सम्मका व्यक्ति	जुलाई १९ तारिख (सोमवार) बिहान 8:30 बाट
१२ देखि २९ वर्ष सम्मका व्यक्ति	जुलाई २२ तारिख (बिहीवार) बिहान 8:30 बाट

*64 वर्षका वा सोभन्दा कम उमेरका व्यक्तिहरुलाई जून 30 तारिख (बुधबार)मा खोप कुपन पठाइएको छ l
* अन्तर्निहित रोग (किसो सिख्खान) भएका ५९ वर्ष वा सो भन्दा कम उमेरका व्यक्तिले, अन्तर्निहित रोग (किसो सिख्खान) दर्ता साइटमा गएर अग्रिम दर्ता गरेको खण्डमा, आफ्नो उमेर समूहको बुकिङ्ग सुरु मिति सम्म नपर्खिकन पनि बुकिङ्ग गर्न सकिने हुन्छ।
* ६० देखि ६४ वर्षको व्यक्तिले खोप कुपन प्राप्त गरे लगतै बुकिङ्ग गर्न सक्ने भएकोले, अन्तर्निहित रोग भएको व्यक्ति भएता पनि अग्रिम दर्ता प्रक्रिया चाल्नु आवश्यक छैन।
* उमेर, २०२२ साल मार्च ३१ तारिख सम्ममा पुग्ने उमेर हो। (१२ वर्षको बाहेक)
　सन् 2021 जुलाई 1 तारिख वा सोभन्दा पछिको 12 वर्षको जन्म दिन भएकाहरुलाई चाहिं 12 वर्षको जन्म दिन नघिसकेपछि  क्रमिक रुपमा कुपन पठाइनेछ l

बुकिङ्ग गर्ने तरिका

　बुकिङ्ग साइटबाट इन्टरनेटमा बुकिङ्ग  गरेर सहयोग गर्नुहोस् l
　इन्टरनेटको प्रयोग गर्न गाह्रो भएको खण्डमा कल सेन्टरमा फोनमार्फत बुकिङ्ग गर्न सकिन्छ l पहिलेदेखिको रोग भएका व्यक्तिहरु आदिले आवश्यकताअनुसार उपचार गरिरहेको डाक्टरसँग परामर्श लिएपछि बुकिङ्ग गर्नुहोस् ।
　नगरपालिका कार्यालय र वडा कार्यालयमा बुकिङ्ग  काउन्टरको व्यवस्था नभएकोले, कार्यालयमा आएता पनि बुकिङ्ग गर्न सकिँदैन।

१. इन्टरनेटबाट बुकिङ्ग

　बुकिङ्गका साथै, इन्टरनेटमा विभिन्न किसिमको निवेदन प्रक्रिया चाल्न सकिन्छ।
　इन्टरनेट बुकिङ्ग निर्देशिकाको सहयोग लिएर, बुकिङ्ग गर्नुहोस्।  （811kbyte）
　* फुकुओका नगरपालिका बाहिर बसोबास गर्ने व्यक्तिले बाध्यताबस, फुकुओका नगरपालिका भित्र खोप लिनु पर्ने अवस्थामा, इन्टरनेटबाट बुकिङ्ग गर्न मिल्दैन

२. फोनबाट बुकिङ्ग

　फुकुओका नगरपालिका कोरोना भाइरस  विरुद्धको खोप कल सेन्टर
　फोन नम्बर 092-260-8405
　खुल्ने समय: 8:30 बजे देखि 17:30 बजे सम्म ( शनिवार, आइतवार, सार्वजनिक बिदाको दिन पनि खुल्ला हुने)
　* अंग्रेजी भाषा, चाइनीज भाषा, कोरियन भाषा, भियतनाम भाषा, नेपाली भाषा, स्पानिस भाषा, पोर्टुगल भाषामा पनि कुराकानी गर्न सम्भव छ।
　* कल सेन्टरमा फोन गर्दा् खेरी, गलत फोन नम्बरमा डायल हुने घटना घटिरहेको छ।
　　फोन नम्बर राम्रोसँग हेरेर, गल्ति नहुने गरी फोन गर्नुहोस्।

३. क्लिनिकमा बुकिङ्ग

　पहिलदेखिको रोग भएका व्यक्तिहरु उपचार गरिरहेका डाक्टरसँग परामर्श लिएपछि बुकिंङ्ग गरेको खण्डमा मात्र हुनेछ l

अन्तर्निहित रोग (किसो सिख्खान) भएका व्यक्तिले अग्रिम दर्ता गर्ने बारेमा

पहिलेदेखिको रोग भएका 59 वर्षका वा सोभन्दा कम उमेरका व्यक्तिहरु चाहिं इन्टरनेट बुकिङ्गको प्रक्रियाको पहिलेदेखि भएका रोगको दर्ता साइटमा पहिल्यै दर्ता गरेर आफ्नो उमेरको समूहको बुकिङ्ग  सुरु हुने दिन नपर्खिकन  बुकिङ्ग गर्न सकिन्छ l
　*64 वर्षका वा सोभन्दा कम उमेरका व्यक्तिहरुलाई चाहिं रेइवा संवत् 3 जून 30 तारिख  (बुधबार) मा खोप कुपन पठाइएको छ l
　खोप कुपन आइपुग्ने बित्तिकै खोपको बुकिङ्ग गर्न सकिन्छ l तर दर्ता पूर्ण नहोउन्जेल 2 दिन जति समय लाग्छ l
　*चिकित्सा प्रमाणपत्र आदिका प्रमाणपत्र पर्दैन l आफ्नोबारेमा आफैले पहिलेदेखिका रोग
　भएको व्यक्तिहरुका समूहमा पर्छ कि पर्दैन भनेर पक्का गरेपछि आवेदन गर्नुहोस् l
　*खोप लगाउने बेलामा पहिल्यै गरिने जाँचमा डाक्टरले पहिलेदेखिका रोगको अवस्था जाँच
　गर्नुहुनेछ l

　इन्टरनेट प्रयोग गरेर पहिलेदेखि भएका रोग दर्ता गर्ने साइटमा पहिल्यै दर्ता गर्न गाह्रो
　भएको खण्डमा शहरको नयाँ कोरोना खोप कल सेन्टरमा सोध्नुहोस् l

　अन्तर्निहित रोग (किसो सिख्खान) दर्ता साइट निर्देशिका （623kbyte）

अन्तर्निहित रोग (किसो सिख्खान) भएको व्यक्ति भनेको

(१) तपसिलको बिरामी र अवस्था भई, अस्पतालबाट उपचार लिइरहेको वा अस्पतालमा भर्ना भइरहेको व्यक्ति
　・श्वासप्रश्वास नलीको दिर्घरोग
　・मुटुको दिर्घरोग (उच्च रक्तचाप समेत)
　・मृगौला दिर्घरोग
　・कलेजो दिर्घरोग (सिरोसिस आदि)
　・इन्सुलिन र सेवन गर्ने औषधीबाट उपचार गर्दै आएका मधुमेह रोग वा अन्य रोगबाट पनि ग्रसित मधुमेह रोग
　・रगत सम्बन्धी रोग (आयोडिन कम भएर हुने रक्त अल्पता बाहेक)
　・रोग प्रतिरोधात्मक क्षमता कम हुने रोग (उपचार तथा पीडा कम गर्ने उपचार लिइरहेको, ट्यूमर सहित)
　・स्टेरोइड जस्ता, रोग प्रतिरोधात्मक क्षमता कम गराउने उपचार लिँदै आएको
　・रोग प्रतिरोधात्मक क्षमता असामान्य भएको कारणबाट उत्पन्न स्नायु रोग, न्यूरो-मस्कुलर रोग
　・स्नायु रोग वा न्यूरो-मस्कुलर रोगको कारणबाट शारीरिक क्षमता कमजोर भएको अवस्था (श्वासप्रश्वासमा समस्या)
　・क्रोमोजोम (गुणशुत्र) असामान्यता
　・गम्भीर किसिमको मानसिक तथा शारीरिक अपाङ्गता (गम्भीर शारीरिक अशक्तता र गम्भीर बौद्धिक अपाङ्गता दुबैबाट ग्रसित अवस्था)
　・सुतेको बेलामा श्वासप्रश्वास बन्द हुने रोग (स्लिप एपनिया सिन्ड्रोम)
　・गम्भीर मानसिक रोग (मानसिक रोगको उपचारको लागि अस्पतालमा भर्ना भइरहेको, मानसिक अपाङ्गता भएको प्रमाणित गर्ने स्वास्थ्य तथा कल्याण पुस्तिका भएको, वा आत्मनिर्भर सहायता चिकित्सा (मानसिक अस्पतालबाट उपचार लिइरहेको) भई, “गम्भीर अनि निरन्तर” मा भर्ने अवस्था) वा बौद्धिक अपाङ्गता (सामाजिक पुनर्स्थापना शिक्षा (र्‍योइकु तेच्यो) पुस्तिका भएकको खण्डमा)

(२) मानक (BMI30) वा सो भन्दा बढी मोटोपन भएको व्यक्ति
　* BMI＝शरीरको तौल(kg)÷ शरीरको उचाइ(m)÷ शरीरको उचाइ(m)। BMI३० को मापदण्ड, शरीरको उचाइ १७०cm भई शरीरको तौल ८७kg、शरीरको उचाइ १६०cm भई शरीरको तौल ७७kg हुनु हो।

खोपको प्रकारबारे

अहिले घरेलुमा 2 प्रकारका नयाँ कोरोनाका खोपहरु प्रयोग गरिएको छ ।

खोपको प्रभावकारीता र सुरक्षाता

	फाइजर	ताकेदा / मोदेर्ना
प्रकार	मेसेन्जरRNA(mRNA) खोप	मेसेन्जरRNA(mRNA) खोप
देखा परेका लक्षण  प्रतिरोधको प्रभावकारीता प्रभावकारीताको  प्रतिशत	लगभग 95 %	लगभग 94 %
पहिलो खोप लगाएपछिदोस्रो खोप नलगाउन्जेलको अन्तर	3 हप्ता पहिलो खोप लगाएपछि 3 हप्ता भइसकेको खण्डमा सकेसम्म छिटो दोस्रो पटकको खोप लगाउनुहोस् ।	4 हप्ता पहिलो खोप लगाएपछि 4 हाप्ता बितिसकेको खण्डमा सकेसम्म छिटो दोस्रो पटकको खोप लगाउनुहोस् ।
एनाफिलाक्सिस देखा पर्ने आवृत्ति (10 लाख जति पटकमा)	4.7केस	2.5केस
खोप लगाउने व्यक्तिहरु	खोप लगाउने बेलामा 12 वर्षका वा सोभन्दा बढी उमेरका व्यक्तिहरु	खोप लगाउने बेलमा 12 वर्षका वा सोभन्दा बढी उमेरका व्यक्तिहरु

अहिलेसम्ममा देखा परेका साइड इफेक्टहरु

अहिले जापानमा लगाउन स्वीकार्य नयाँ कोरोनाका  खोपहरु चाहिं  खोप लगाएपछि सुई लगाएको भाग दुख्ने,थकान महसुस गर्ने ,टाउको दुख्ने,मांसपेशी वा जोर्नी दुख्ने,ज्वरो आउने जस्ता लक्षण देखा परेका छन् । यस्ता लक्षणहरुमध्ये धेरैजसो चाहिं खोप लगाएको केही दिनभित्र निको भएका छन् । खोप लगाएपछिको स्वास्थ्य अवस्थाको सर्वेक्षण परिणामहरू चाहिं यहाँ (स्वास्थ्य तथा श्रम कल्याण मन्त्रालयको होम पेजमा) पोस्ट गरिएको छ l

देखा पर्ने प्रतिशत	फाइजर	ताकेदा / मोदेर्ना
50% वा सोभन्दा बढि	खोप लगाएको भाग दुख्ने , थकान महसुस गर्ने ,टाउको दुख्ने	खोप लगाएको भाग दुख्ने थकान महसुस गर्ने,टाउको दुख्ने,मांसपेशी दुख्ने
10～50％	मांसपेशी दुख्ने,जाडो महसुस गर्ने,जोर्नी दुख्ने, पखाला लाग्ने,ज्वरो आउने,खोप लगाएको भाग फुल्ने	मांसपेशी दुख्ने,जाडो महसुस हुने,वाकवाक लाग्ने ・बान्ता हुने, लिम्फैडेनाइटिस ,ज्वरो आउने, खोप लगाएको भाग फुल्ने,छाला रातो हुने・रातो दाग हुने
1～10％	वाकवाक लाग्ने,बान्ता हुने	खोप लगाएको सात दिन पछि खोप लगाएको भाग दुख्ने, बिमिरा हुने

अनि थोरै केसमा एनाफिलाक्सिस (तीव्र एलर्जी प्रतिक्रिया ) देखा परेको कुरा रिपोर्ट गरिएको छ l एनाफिलाक्सिसको रिपोर्ट,अवस्था आदिका कुराहरुबारे स्वास्थ्य तथा श्रम कल्याण मन्त्रालयको होम पेजमा पोस्ट गरिएको छ l  यदि एनाफिलाक्सिस देखा परेको भए खोप लगाउने स्थान वा चिकित्सा केन्द्रमा तुरुन्तै उपचार गरिनेछ l

परामर्श काउन्टर

फुकुओका शहर नयाँ कोरोना भाइरस खोप कलसेन्टर

　फुकुओका शहरको नयाँ कोरोना भाइरस खोप सम्बन्धी सोधपुछ र परामर्श
　फोन नम्बर: 092-260-8405
　उपलब्ध समय: 8：30～17：30 (शनिबार, आइतबार र सार्वजनिक बिदाको दिनमा पनि उपलब्ध)　
　* अङ्ग्रेजी, चिनियाँ, कोरियन, भियतनामी, नेपाली, स्पेनिस, पोर्तुगाली भाषामा कुरा गर्न पनि सम्भव छ।

　खोप टिकट हुलाकबाट पठाइएपछि कलसेन्टरमा खोप लगाउनको लागि बुकिङ लिने सक्ने गरी अहिले तयारी गरिरहेका छौँ।

प्रायः सोधिने प्रश्नहरू

　प्रश्न-उत्तरको रूपमा राखिएको छ।
　* जापानीज भाषामा मात्र उपलब्ध छ

प्रायः सोधिने प्रश्नहरू

　साइड इफेक्ट आदि सँग सम्बन्धित विशेषज्ञको परामर्शको लागि सोधपुछ
　फोन नम्बरः 092-687-4884
　सेवा उपलब्ध भाषाः अंग्रेजी भाषा, चाइनीज भाषा, कोरियन भाषा, थाई भाषा, भियतनाम भाषा, इन्डोनेसिया भाषा, नेपाली भाषा, म्यान्मा भाषा, तागालग भाषा, पोर्टुगल भाषा, स्पानिस भाषा, फ्रेन्च भाषा, जर्मन भाषा, इटालीयन भाषा, रसियन भाषा, मलेसिया भाषा, खमेर भाषा, मंगोलियन भाषा, सिंहाली भाषा
　खुल्ने समय: 24 सै घण्टा ( शनिवार, आइतवार, सार्वजनिक बिदाको दिन पनि खुल्ला हुने)

स्वास्थ्य, श्रम तथा कल्याण मन्त्रालय कोरोना भाइरस विरुद्धको खोप कल सेन्टर

　कोरोना भाइरस विरुद्धको खोप योजना तथा संचालन नीति आदि सँग सम्बन्धित सोधपुछ
　फोन नम्बरः 0120-761770 (टोल फ्री)
　खुल्ने समय : 9:00 ~ 21:00  (शनिवार, आइतवार, सार्वजनिक बिदाको दिन पनि खुल्ला हुने)
　* अंग्रेजी भाषा, चाइनीज भाषा, कोरियन भाषा, पोर्टुगल भाषा, स्पानिस भाषा, थाई भाषा, भियतनाम भाषामा पनि कुराकानी गर्न सकिन्छ।
　* थाई भाषा तथा भियतनाम भाषाको सम्बन्धमा, खुल्ने समय फरक छ।
　　थाई भाषा 9:00 ~ 18:00
　　भियतनाम भाषाः 10:00 ~ 19:00

राष्ट्रिय संस्थाले सार्वजनिक गरेको सूचना।

　राष्ट्रीय संस्थाले सार्वजनिक गरेको जानकारीको लागि तलको लिङ्कमा थिचेर हेर्नुहोस्।

　स्वास्थ्य, श्रम र कल्याण मन्त्रालय: नयाँ कोरोना भाइरस खोपको बारेमा (बाह्य लिङ्क)
　प्रधानमन्त्री आधिकारिक निवास: नयाँ कोरोना भाइरस खोपको बारेमा (बाह्य लिङ्क)

कृपया सावधान रहनुहोस् (उपभोक्ता केन्द्रबाट)

　नगरपालिका र गाउँपालिकाले खोप लगाउनको लागि फोनबाट पैसा वा व्यक्तिगत जानकारी माग्दैन। यस्तो माग स्वीकार नगर्न सावधान हुनुहोस्। यस्तो किसिमको फोन आएमा तुरुन्तै फोन राख्नुहोस्। समस्या परेको बेलामा एक्लै चिन्ता नगरी आफू बस्ने क्षेत्रको उपभोक्ता केन्द्रमा सल्लाह गर्नुहोस्।

【उत्पादन वा सेवाको सम्झौतामा समस्या परेको बेलाको लागि परामर्श काउन्टर】

　फुकुओका शहर उपभोक्ता केन्द्र

　फोनबाट वा कार्यालयमा आएर परामर्श लिन सक्नुहुन्छ। (कार्यालयमा आएर परामर्श लिनको लागि बुकिङ गर्नु आवश्यक छ)
　फोन नम्बर: 092-781-0999
　उपलब्ध समय: सोमबार～शुक्रबार 9：00～17：00
　　　　　　　दोस्रो र चौथो शनिबार 10：00～16：00 (फोनबाट मात्र परामर्श)
　　　　　　　* सार्वजनिक बिदाका दिनहरू र डिसेम्बर 29 तारिख～जनवरी 3 तारिख बिदा हुनेछ　　　
　फुकुओका शहरमा बसोबास गर्ने व्यक्तिगत उपभोक्ताहरूले मात्र परामर्श लिन सक्नुहुनेछ।
　फोनमा दोभासे प्रयोग गर्न सक्नुहुन्छ।

 
　फुकुओका प्रान्त उपभोक्ता केन्द्र

　फोनबाट वा कार्यालयमा आएर परामर्श लिन सक्नुहुन्छ।
　फोन नम्बर: 092-632-0999
　उपलब्ध समय: सोमबार～शुक्रबार 9：00～16：30
　　　　　　　आइतबार 10：00～16：00 (फोनबाट मात्र परामर्श)
　　　　　　　* सार्वजनिक बिदाका दिनहरू र डिसेम्बर 29 तारिख～जनवरी 3 तारिख बिदा हुनेछ
　फुकुओका प्रान्तमा बसोबास गर्ने व्यक्तिगत उपभोक्ताहरूले मात्र परामर्श लिन सक्नुहुनेछ।
　फोनमा दोभासे प्रयोग गर्न सक्नुहुन्छ।