現在位置:福岡市ホームの中の市政全般の中の外国人支援の中の新型コロナウイルス感染症に関する外国人向けの情報からनोभल कोरोना भाइरस (कोभिड 19) का कारण समस्यामा परेका व्यक्तिहरूको लागि परामर्श काउन्टर सम्बन्धी जानकारी (हाल अकटुबर 22 तारिख)
更新日: 2020年10月22日

नोभल कोरोना भाइरस (कोभिड 19) का कारण समस्यामा परेका व्यक्तिहरूको लागि परामर्श काउन्टर सम्बन्धी जानकारी (हाल अकटुबर 22 तारिख)


1 रोजगार (पार्टटाइम वा फुलटाइम) को खोजीमा रहेका व्यक्तिहरूको लागि

निम्न केन्द्रहरूमा रोजगार सम्बन्धी परामर्श तथा जानकारी प्रदान गरिन्छ।

विदेशी नागरिकहरूको लागि फुकुओका रोजगार सेवा केन्द्र
 फोन नम्बर: 092-716-8608
 ठेगाना: फुकुओका सहर च्युओ वडा तेन्जिन 1-4-2    एल्गारा अफिस 12F
 निम्न केन्द्रहरूमा रोजगार सम्बन्धी परामर्श तथा जानकारी प्रदान गरिन्छ।

फुकुओका अन्तर्राष्ट्रिय विद्यार्थी सहयोग केन्द्र (विश्वविद्यालय, जुनियर कलेज आदिका विदेशी विद्यार्थीहरूको लागि मात्र)
 फोन नम्बर: 092-725-9201
 ठेगाना: फुकुओका सहर च्युओ वडा तेन्जिन 1-1-1    अक्रोस फुकुओका 3F    फुकुओका अन्तर्राष्ट्रिय आदानप्रदान फाउन्डेसन “कोकुसाइ हिरोबा”
 फुकुओका अन्तर्राष्ट्रिय विद्यार्थी सहयोग केन्द्र
 
विस्तृत जानकारी भएको PDF

फुकुओका प्रान्त आकस्मिक छोटो अवधि रोजगार सिर्जना परियोजना
 फुकुओका प्रान्तमा विद्यार्थी र प्रवासी विद्यार्थी लगायतका जागिर गुमाउनेहरूका लागि आकस्मिक रूपमा छोटो अवधिको रोजगार सिर्जना गर्न एक परियोजना कार्यान्वयन गरिनेछ।
 फुकुओका प्रान्त भित्र अवस्थित प्रशासनिक आयोगहरू र कम्पनीहरू तथा संगठनहरूका रोजगार प्रस्तावहरू योजनामा राखिएका छन्, तर रोजगार सम्बन्धी विस्तृत जानकारी यसपछि क्रमिक रुपमा फुकुओका प्रान्तको होमपेजमा अपडेट (अध्यावधिक) गरिने हुनाले कृपया फुकुओका प्रान्तको होमपेजमा हेरी निश्चित गर्नुहोस्। थप रूपमा, फुकुओका प्रान्त कार्यालयको रोजगार भर्ना मे महिना २० तारिखदेखि सुरु भएको छ।
 फुकुओका प्रान्त आकस्मिक छोटो अवधि रोजगार सिर्जना परियोजना (फुकुओका होमपेज )
 नयाँ कोरोना भाइरस संक्रमणबाट प्रभावित विशेष बेरोजगरीहरूको लागि श्रम परामर्श काउन्टर
 फुकुओका कामदार समर्थन कार्यालय  फोन नम्बर : 092-735-6149

* आफू काम गर्ने कम्पनीको निर्देशन अनुसार बिदामा बसेको तर कम्पनीबाट पारिश्रमिक नपाएको व्यक्तिहरूको लागि
 संक्रामक रोग नोभल कोरोना भाइरस (कोभिड 19) को असरले गर्दा अप्रिल 1 तारिखदेखि सेप्टेम्बर 30 तारिखसम्मको अवधिमा, व्यापारव्यवसायको मालिकको निर्देशन अनुसार बिदामा बसेको, तर कार्यस्थलबाट उक्त बिदामा बसेको अवधिको पारिश्रमिक नपाएको व्यक्तिहरूलाई सरकारद्वारा प्रत्यक्ष रूपमा बिदामा बस्नु अगाडिको पारिश्रमिकको 80% रकम भुक्तानी गरिन्छ। पार्ट टाइम (आरुबाइतो) गर्ने विद्यार्थी तथा विदेशी नागरिक पनि यसको दायरामा पर्दछन्। जुलाई 10 तारिखदेखि हुलाक मार्फत आवेदन लिन सुरु गरिन्छ।
 
संक्रामक रोग नोभल कोरोना भाइरस (कोभिड 19) को कारण लिनु परेको बिदाको लागि सहायता रकम तथा अनुदान सम्बन्धी जानकारी (स्वास्थ्य, श्रम तथा कल्याण मन्त्रालयद्वारा तयार गरिएको जानकारीपत्र)
 संक्रामक रोग नोभल कोरोना भाइरस (कोभिड 19) को कारण लिनु परेको बिदाको लागि सहायता रकम तथा अनुदान (स्वास्थ्य, श्रम तथा कल्याण मन्त्रालयको होमपेज)
 फोन नम्बर:0120-221-276(सोमबारदेखि शुक्रबार 8:30~20:00, शनिबार, आइतबार र सार्वजनिक बिदाको दिन 8:30~17:15)

 

2 दैनिक खर्च धान्न मुस्किल परेका व्यक्तिहरूको लागि

फुकुओका सहर समाज कल्याण परिषद्
फुकुओका जिल्ला समाज कल्याण परिषद्ले संक्रामक रोग नोभल कोरोना भाइरस (कोभिड 19) को प्रभावले व्यापारव्यवसाय बन्द गर्नु परेका वा रोजगारी गुमाएका जस्ता कारणले दैनिक खर्चबारे चिन्तित व्यक्तिहरूको लागि दैनिक जीवनयापन कल्याणकारी कोषको केही अंश (आपत्कालिन सानो रकम कोष र वृहत् सयोग कोष) विशेष ऋण दिइरहेको छ।
विस्तृत जानकारी तथा सर्तहरू आदिको लागि फुकुओका सहर समाज कल्याण परिषद्मा सम्पर्क गर्नुहोस्।
※फुकुओका सहर समाज कल्याण परिषद्ले फुकुओका सहरमा आधिकारिक रूपमा दर्ता गरेर बसोबास गर्ने व्यक्तिहरूलाई मात्र विशेष ऋण सम्बन्धी परामर्श दिने कुरा अग्रिम रूपमा जानकारी गराउन चाहन्छौं।
 फोन नम्बर: 092-791-7266 (सोमबारशुक्रबार 9:0017:00)
 ठेगाना: फुकुओका सहर च्युओ वडा आरातो 3-3-39    फुकुओका सहर नागरिक कल्याण प्लाजा 4F
  URL:फुकुओका सहर समाज कल्याण परिषद्
  विस्तृत जानकारी भएको PDF

जापान सरकारद्वारा प्रदान गरिने रकम अनुदानबारे (प्रति व्यक्ति 1 लाख येन प्रदान गरिनेछ)
 विशेष तथा निश्चित रकम अनुदान (आन्तरिक मामिला तथा सञ्चार मन्त्रालयको होमपेज)
 फोन नम्बर: 0120-260020 (9:00~18:30)

 विशेष तथा निश्चित रकम अनुदान (फुकुओका सहरको होमपेज)
 फुकुओका सहर विशेष तथा निश्चित रकम अनुदान कल सेन्टर
 फोन नम्बर: 092-401-0826 (कुरा गर्न सकिने विदेशी भाषाहरू: अंग्रेजी, चाइनिज, कोरियन, भियतनामिज र नेपाली)
 सोमबारदेखि शुक्रबार 9:0018:00 (मे र जून महिनामा शनिबार, आइतबार र सार्वजनिक बिदाको दिन पनि खुला रहनेछ)
 2020 साल अक्टोबर 30 तारिखसम्म

विद्यार्थी समर्थन आपत्कालीन रकम अनुदान
 आंशिक रोजगारको (आरुबाइतोको) आयआर्जन उल्लेखनीय रूपमा घटेका विद्यार्थीहरूमध्य तोकिएको सर्त पूरा गर्नेहरूलाई सरकारद्वारा यो अनुदान प्रदान गरिनेछ। प्रवासी विद्यार्थी तथा जापानी भाषा स्कुलका विद्यार्थीहरू पनि तोकिएको सर्त पूरा गरेमा यो रकम अनुदान प्राप्त गर्न सक्नुहुनेछ र आवासीय कर छुट हुने परिवारको विद्यार्थीलाई 200,000 (20 मान) येन, कर छुट नभएका परिवारको विद्यार्थीलाई 100,000 (10 मान) येन दिइनेछ। प्रत्येक विद्यार्थीले आफू अध्ययनरत विद्यालय मार्फत आवेदन दिनुपर्नेछ।
 रकम अनुदान प्राप्त गर्ने योग्यताको सर्त, रेमिट्यान्सको स्थिति तथा आंशिक रोजगारको आयआर्जनमा आएको गिरावटको आधारमा निर्धारित गरिनेछ भनेर तोकिएको छ तर विस्तृत जानकारीको लागि यसपछि क्रमिक रूपमा अपडेट (अध्यावधिक) गरिने तल उल्लिखित शिक्षा, संस्कृति, खेलकुद, विज्ञान र प्रविधि मन्त्रालय तथा जापान विद्यार्थी सेवा संगठन (JASSO) को होमपेज, आफू अध्ययनरत विद्यालयले दिने जानकारी आदि हेरी निश्चित गर्नुहोस्।
 विद्यार्थीका समर्थन हेतु आपत्कालीन भत्ता (शिक्षा, संस्कृति, खेलकुद, विज्ञान र प्रविधि मन्त्रालय होमपेज)
 जापान विद्यार्थी सेवा संगठन (JASSO)

बाल बच्चा पालनपोषण गर्ने परिवारहरूका लागि अस्थायी विशेष रकम अनुदान
 राष्ट्रिय सरकार मार्फत, बालक भत्ता प्राप्त गर्ने वर्ग (० वर्ष उमेर देखि उच्च माध्यमिक विद्यालयका विद्यार्थीहरूसम्म) का लागि प्रति बालक १०,००० (१ मान) येन प्रदान गरिनेछ ।
 लक्षित वर्गहरू ती हुन् जसले २०२० साल अप्रिल महिनाको बालक भत्ता प्राप्त गर्न योग्य छन्।
 सार्वजनिक कर्मचारी बाहेक अरूलाई, कुनै किसिमका विशेष आवेदन प्रक्रियाहरू आवश्यक पर्दैन । २०२० साल जून महिना १० तारिख (बुधवार) मा, २०२० साल अप्रिल महिनाको बालक भत्ता प्राप्त गर्ने बैंक खातामा स्थानान्तरण गरिनेछ ।
 बाल बच्चा पालनपोषण गर्ने परिवारहरूका लागि अस्थायी विशेष रकम अनुदान (फुकुओका सहर होमपेज)

आवास सुरक्षा अनुदान रकम
 यदि परिवारको जीविकोपार्जन गर्ने मूल व्यक्तिको बेरोजगारी तथा काममा कटौती आएको कारण आय आर्जनमा भारी गिरावट आई घर-भाँडा तिर्न कठिनाइ भएको खण्डमा, शहर कार्यालयले निश्चित समयावधिका लागि घर धनीलाई सिधै घर-भाँडा तिरिदिने व्यवस्था मिलाइएको छ।
 परिवारको आय आर्जन तथा वित्तीय सम्पत्ति आदि विभिन्न मापदण्डहरू भएकाले, घर-भाँडाको सम्पूर्ण रकम तिर्न सकिनेछ भन्ने जरुरी रहँदैन।
 यसमा स्व-रोजगार व्यक्तिहरू र स्वतन्त्र रोजगार व्यक्तिहरू (फ्री लान्सर) पनि समावेश रहने छन्।
 सामान्यतया, यस व्यवस्थाका लागि विद्यार्थीहरू योग्य हुने छैनन्, यद्यपि यस समयावधिभित्र एक अपवादका  रूपमा रेमिट्यान्स प्राप्त नगरी आंशिक रोजगार (आरुबाइतो) मात्रले शैक्षिक शुल्क तथा जीवनयापनका लागि आवश्यक खर्च पुरा गरिरहेका विद्यार्थीहरूका लागि, आंशिक रोजगार (आरुबाइतो) गुमाई, नयाँ आंशिक रोजगार (आरुबाइतो) खोजिरहेको अवस्था आदिमा, माथि उल्लेख गरिएका मापदण्डहरू पुरा गरिएको खण्डमा यो अनुदान रकम प्रदान गरिनेछ।
 आवास सुरक्षा अनुदान रकमको मार्गदर्शन (स्वास्थ्य, श्रम तथा कल्याण मन्त्रालयको विज्ञप्ति पत्र )

 आवास सुरक्षा अनुदान रकम परामर्श कल सेन्टर (स्वास्थ्य, श्रम तथा कल्याण मन्त्रालय)
 फोन नम्बर : 0120-23-5572    (बिहान 9 बजेदेखि राति 9 बजे )

 फुकुओका सहर आवास सुरक्षा अनुदान रकम (फुकुओका शहर होमपेज )
 फोन नम्बर : 0120-17- 3456 (सोमबारदेखि शुक्रबार (सार्वजनिक बिदाको दिन बाहेक) बिहान 9 बजेदेखि बेलुका 5 बजे)

कर, पानीको महसुल आदि भुक्तानी गर्न मुस्किल परेको खण्डमा
संक्रामक रोग नोभल कोरोना भाइरस (कोभिड 19) को प्रभावले व्यापारव्यवसाय बन्द गर्नु परेको वा रोजगारी गुमाएको जस्ता कारणले कर, पानीको महसुल आदि भुक्तानी गर्न मुस्किल परेका व्यक्तिहरूले भुक्तानी म्याद जस्ता कुराहरूबारे परामर्श लिन सक्ने व्यवस्था गरिएको छ।
【सम्पर्क】
  ・स्थानीय कर
    तपाईं बसोबास गर्ने वडा कार्यालयकोकर भुक्तानी शाखा आदि
  ・नागरिक स्वास्थ्य बिमा शुल्क र जेष्ठ नागरिक चिकित्सा बिमा शुल्क
    तपाईं बसोबास गर्ने वडा कार्यालयकोबिमा तथा पेन्सन शाखा आदि 
  ・नर्सिङ केयर बिमा शुल्क
   तपाईं बसोबास गर्ने वडा कार्यालयकोकल्याण तथा नर्सिङ केयर बिमा शाखा
  ・पानीको महसुल
    तपाईं बसोबास गर्ने ठाउँको सम्बन्धित कार्यालय 
  ・ढल प्रयोग शुल्क
    सडक तथा ढल निकास ब्युरो, ढल निकास शुल्क शाखा


3 अस्पताल तथा चिकित्सा सम्बन्धी परामर्श काउन्टरहरू

विदेशी नागरिकहरूको लागि संक्रामक रोग नोभल कोरोना भाइरस (कोभिड 19) सँग सम्बन्धित परामर्श लिने फुकुओका सहरको हटलाइन
संक्रामक रोग नोभल कोरोना भाइरस (कोभिड 19) को संक्रमणबाट कसरी बच्ने, स्वास्थ्य संस्थामा कसरी जचाउन सकिन्छ जस्ता कुराहरूबारे जानकारी प्रदान गरिन्छ।
  फोन नम्बर: 092-687-5357 (चौबिसै घण्टा खुला रहनेछ र 18 भाषाहरूमा कुराकानी गर्न सकिन्छ)
संक्रामक रोग नोभल कोरोना भाइरस (कोभिड 19) बाट बच्ने तरिका र यस रोगको मुख्य लक्षणहरू जान्नको लागि निम्न लिङ्कमा राखिएको जानकारी हेर्नुहोस्।
  संक्रामक रोग नोभल कोरोना भाइरस (कोभिड 19) बाट बच्नको लागि ध्यान दिनुपर्ने कुराहरू

फुकुओका एशियन चिकित्सा सहयोग केन्द्र
संक्रामक रोग नोभल कोरोना भाइरस (कोभिड 19) बाहेकका अन्य स्वास्थ्य समस्या भएमा यहाँ सम्पर्क गर्नुहोस्।
अस्पतालको जानकारी र फोन मार्फत दोभासे सेवा प्रदान गरिन्छ।
 फोन नम्बर: 092-286-9595 (चौबिसै घण्टा खुला रहनेछ र 17 भाषाहरूमा कुराकानी गर्न सकिन्छ)

परीक्षण तथा उपचार खर्चबारे
तपाईंमा शंकास्पद लक्षण देखिएको छ भने ”संक्रामक रोग नोभल कोरोना भाइरस (कोभिड 19) सँग सम्बन्धित परामर्श लिने हटलाइन (092-687-5357)” मा सम्पर्क गरी परामर्श लिनुहोस् र यदि तपाईंलाई तोकिएको स्वास्थ्य संस्थामा गई जचाउन भनिएमा, त्यस स्वास्थ्य संस्थामा गई जचाउनुहोस्। जचाएपछि PCR परीक्षण गर्नुपर्ने अवस्था आएको खण्डमा, तपाईंले त्यो PCR परीक्षण खर्च बेहोर्नु पर्दैन। तर PCR परीक्षण बाहेकका अन्य जचाउन लागेको खर्चहरू भने तपाईं आफैले बेहोर्नुपर्नेछ। जचाउन लाग्ने खर्च स्वास्थ्य संस्था अनुसार फरक हुन्छ।
तपाईंको PCR परीक्षण नतिजा पोजेटिभ आएमा (संक्रमित भएको पुष्टि भएमा), अस्पतालमा भर्ना हुन लाग्ने शुल्क जस्ता उपचार खर्चहरू तपाईंले बेहोर्नु पर्नेछैन।


4 जापानमा बसोबास गर्नको लागि आवश्यक प्रक्रिया आदिबारे परामर्श लिने काउन्टर

विदेशी नागरिकको लागि जापान बसाइ सम्बन्धी समग्र जानकारी केन्द्र
यस केन्द्रमा सम्पर्क गरी जापान प्रवेश तथा जापानमा बसोबास गर्नको लागि आवश्यक प्रक्रियाहरू जस्ता कुराहरूबारे परामर्श लिन सकिन्छ।
 फोन नम्बर: 0570-013904 (सोमबारशुक्रबार 8:30~17:15)
 ठेगाना: फुकुओका सहर च्युओ वडा माइजुरू 3-5-25

* Information for foreign nationals having difficulty returning to their home country due to the impact of COVID-19
This is a notice issued for those who had their residence status changed to “Temporary Visitor (90 Days)” or “Designated Activities (3 Months)” as they could not return to their home country because of the impact of COVID-19. The Immigration Service Agency will grant the residence status of “Designated Activities (6 Months) to those in the above situation.
From October 19, it is now possible for you to change your visa status to a 6-month Designated Activities working visa if you previously had Student status on your visa, regardless of your graduation date or whether you graduated from your university or not. Students who graduated before 2020 can now also apply.

Visit the Ministry of Justice of Japan website for more details. 
 The Ministry of Justice of Japan website


5 अन्य परामर्श काउन्टरहरू

निम्न केन्द्रहरूले दैनिक जीवनसँग सम्बन्धित समग्र कुराहरूबारे परामर्श सेवा प्रदान गर्नुका साथसाथै तपाईंलाई आवश्यक जानकारी तथा सम्बन्धित निकायको जानकारी पनि प्रदान गर्दछ।

फुकुओका सहरको विदेशी नागरिकहरूको लागि समग्र परामर्श सहयोग केन्द्र
 फोन नम्बर: 092-262-1799 (सोमबारशुक्रबार 8:45~18:00)
 ठेगाना: फुकुओका सहर हाकाता वडा तेनयामाची 4-1 फुकुओका सहर अन्तर्राष्ट्रिय केन्द्र 1F

फुकुओका जिल्लाको विदेशी नागरिकहरूको लागि परामर्श केन्द्र
 फोन नम्बर: 092-725-9207 (10:00~19:00)
 ठेगाना: फुकुओका जिल्ला फुकुओका सहर च्युओ वडा तेन्जिन 1-1-1 अक्रोस फुकुओका 3F

कम्पनीले जागिरमा राखेको विदेशी नागरिकहरूको लागि
संक्रामक रोग नोभल कोरोना भाइरस (कोभिड 19) को प्रभावको कारण कम्पनीको व्यापार (आर्थिक स्थिति) नराम्रो भएको भए तापनि, विदेशी नागरिक भएको कुरालाई कारण बनाई, कम्पनीले जापानी नागरिकलाई भन्दा विदेशी कामदारलाई घाटा हुने प्रकारको व्यवहार गर्न कदापि पाउनेछैन। तलको स्वास्थ्य, श्रम तथा कल्याण मन्त्रालयको होमपेज हेर्नुहोस्।
 जागिरमा राखेको सम्पूर्ण विदेशी नागरिकहरूको लागि (स्वास्थ्य, श्रम तथा कल्याण मन्त्रालयको होमपेज)


6 व्यापारव्यवसाय सञ्चालकहरूको लागि

फुकुओका सहर भित्रको साना तथा मध्यम स्तरका कम्पनीहरू र एकलौटी व्यवसायको मालिकहरूको लागि कर्जा आदिको विशेष परामर्श काउन्टर
 【फुकुओका सहर साना तथा मध्यम स्तर कम्पनी सहयोग केन्द्र】
  कर्जा परामर्श फोन नम्बर: 092-441-2171
  (सोमबारशुक्रबार 9:00~17:00, नाम लेखाउन नपर्ने, 16:30 सम्ममा सम्पर्क गर्नुहोस्)
 संक्रामक रोग नोभल कोरोना भाइरस (कोभिड 19)सँग सम्बन्धित व्यवसायहरूको लागि सहयोग

निरन्तर व्यापारव्यवसाय सञ्चालनको लागि जापान सरकारद्वारा प्रदान गरिने अर्थिक राहत आदिको परामर्श काउन्टर
जापान सरकारद्वारा गत सालको सोही महिनाको तुलनामा 50% वा सोभन्दा बढी बिक्री घटेका साना तथा मध्यम स्तरका कम्पनीहरू र एकलौटी व्यवसायको मालिकहरू आदिलाई रकम अनुदान प्रदान गरिनेछ।
कम्पनी: अधिकतम 20 लाख येन, एकलौटी व्यवसायको मालिक: अधिकतम 10 लाख येन
【साना तथा मध्यम स्तरको कम्पनी, कर्जा र आर्थिक राहत परामर्श काउन्टर】
 फोन नम्बर: 0570-783183 (9:00~17:00)
 निरन्तर व्यापारव्यवसाय सञ्चालनको लागि अर्थिक राहतसँग सम्बन्धित जानकारी (अर्थव्यवस्था, व्यापार तथा उद्योग मन्त्रालयको होमपेज)

■जापान सरकारको पसल भाडा सहयोग अनुदान परामर्श काउन्टर
 जापान सरकारद्वारा, मे महिनादेखि डिसेम्बर महिनाभित्र, एक महिनामा गत सालको सोही महिनाको तुलनामा 50% वा सोभन्दा बढी बिक्री घटेका वा लगातार तीन महिना गत सालको सोही महिनाको तुलनामा 30% वा सोभन्दा बढी बिक्री घटेका साना तथा मध्यम स्तरका कम्पनीहरू र एकलौटी व्यवसायको मालिकहरू आदिलाई पसल भाडा सहयोग अनुदान भुक्तानी गरिन्छ। जुलाई 14 तारिखदेखि आवेदन लिन सुरु गरिन्छ।
 कम्पनी: अधिकतम 60 लाख येन, एकलौटी व्यवसायको मालिक: अधिकतम 30 लाख येन
 पसल भाडा सहयोग अनुदान सम्बन्धी जानकारी (अर्थव्यवस्था, व्यापार तथा उद्योग मन्त्रालयको होमपेज)
 फोन नम्बर:0120-653-930 (8:30~19:00)

■फुकुओका जिल्लाद्वारा प्रदान गरिने निरन्तर व्यापारव्यवसाय सञ्चालनको लागि आपत्कालिन सहायता रकमको परामर्श काउन्टर
फुकुओका जिल्लाद्वारा गत सालको सोही महिनाको तुलनामा 30% वा सोभन्दा बढी तर 50% भन्दा कम बिक्री घटेका साना तथा मध्यम स्तरका कम्पनीहरू र एकलौटी व्यवसायको मालिकहरू आदिलाई रकम अनुदान प्रदान गरिनेछ। कम्पनी: अधिकतम 5 लाख येन, एकलौटी व्यवसायको मालिक: अधिकतम 2 लाख 50 हजार येन
 फोन नम्बर: 0570-094894 (9:0017:00)
 फुकुओका जिल्ला निरन्तर व्यापारव्यवसाय सञ्चालनको लागि आपत्कालिन सहायता रकम (फुकुओका जिल्लाको होमपेज)

फुकुओका सहरद्वारा पसलहरूलाई पसल भाडा सहयोग
फुकुओका सहरद्वारा संकटकालको घोषणा पछि फुकुओका जिल्लाको अनुरोध अनुसार व्यापार बन्द गरिएका व्यापारव्यवसायहरू र व्यापार समय छोट्याइएको रेस्टुरेन्ट आदिलाई पसल भाडाको 80% रकम भुक्तानी गरिनेछ। अप्रिल महिनाको 7 तारिखदेखि मे महिनाको 6 तारिखसम्मको लागि अधिकतम 5 लाख येन र मे महिनाको 7 तारिखदेखि मे महिनाको 31 तारिखसम्मको लागि 3 लाख येन।
 संकटकालको घोषणा पछि व्यापार निरन्तरताको लागि पसलहरूलाई पसल भाडा सहयोग (संक्रामक रोग नोभल कोरोना भाइरस (कोभिड 19) राहत)

■फुकुओका सहरको खुद्रा पसल, कपाल काट्ने पसल, ट्याक्सी जस्ता व्यापारव्यवसाय सञ्चालकहरूको लागि सहयोग
फुकुओका सहरद्वारा, फुकुओका जिल्लाले व्यापार बन्द गर्न र व्यापार समय छोट्याउन अनुरोध गरेको व्यापारव्यवसायको दायरामा नपरी, मे महिनाको 7 तारिखदेखि मे महिनाको 31 तारिखसम्म सहरवासीको दैनिक जीवनमा आवश्यक सेवा प्रदान गरिरहेका साना तथा मध्यम स्तरका कम्पनीहरू र एकलौटी व्यवसायको मालिकहरूलाई सहायता रकम प्रदान गरिनेछ। यो सहयोग 30% वा सोभन्दा बढी बिक्री घटेका खुद्रा पसल, कपाल काट्ने पसल, ट्याक्सी जस्ता व्यापारव्यवसाय सञ्चालकहरूलाई प्रदान गरिनेछ।
कम्पनी: 1 लाख 50 हजार येन, एकलौटी व्यवसायको मालिक: 1 लाख येन
 व्यापार बन्द गर्न गरिएको अनुरोधको दायरामा नपरेका, सुरक्षित ढंगमा सहरवासीको दैनिक जीवनमा आवश्यक सेवा प्रदान गर्ने व्यापारव्यवसायीलाई सहयोग

रेस्टुरेन्टहरूको लागि सहयोग
नोभल कोरोना भाइरस (कोभिड 19) को कारण घोषणा गरिएको संकटकाल, 2020 साल मे महिना 31 तारिखसम्मको अवधिमा, फुकुओका सहरले सहरवासीहरूलाई घरमै बस्न प्रोत्साहित गर्ने र रेस्टुरेन्टहरूलाई सहयोग पुर्‍याउने उद्देश्यले डेलिभरी सर्भिसको प्रवर्धन गरी, फुकुओका सहरको खाना डेलिभरी गर्ने पसलबाट एक पटकमा 1,000 येन वा सोभन्दा बढी रकमको डेलिभरी सर्भिस प्रयोग गर्ने फुकुओका सहरवासीलाई 500 येन बराबरको पोइन्ट वा कुपन प्रदान गर्ने कार्यक्रम कार्यान्वयन गरिरहेको छ।
 विशेष काम बाहेकको समयमा घरमै बस्न अनुरोध गरिएको अवधिमा खाना डेलिभरी गर्ने पसलहरूको जानकारी

साथै टेकआउट सेवा प्रदान गर्ने रेस्टुरेन्टले छुट (डिस्काउन्ट) जस्ता ग्राहकलाई लाभ हुने प्रकारको सेवा प्रदान गरेको खण्डमा, फुकुओका सहरले त्यस्ता रेस्टुरेन्टहरूलाई, प्रति पसल 1 लाख येन प्रदान गर्नेछ।
 स्थानीय रेस्टुरेन्टहरूलाई मद्दत पुर्‍याउने टेकआउट सहयोग

फुकुओका जिल्लाले पनि, रेस्टुरेन्टले नयाँ सेवाको रूपमा खाना डेलिभरी वा टेकआउट सुरु गर्दा लाग्ने प्रचार खर्च, खाना हाल्ने कन्टेनर शुल्क आदिको 75% रकम, अधिकतम 5 लाख येन अनुदान दिने प्रणालीको व्यवस्था गरेको छ।
 फुकुओका जिल्ला संक्रामक रोग नोभल कोरोना भाइरस (कोभिड 19) आपत्कालिन प्रतिकदमसाना तथा मध्यम स्तरका कम्पनीको प्रगतिशील व्यापारको लागि अनुदान रकम
 प्रचार पर्चा